आर्थिक बर्षको अन्त्यमा संघीय मामिला तथा सामान्य प्रशासन मन्त्रालयले कार्यरत प्रमुख प्रशासकीय अधिकृतहरुलाई निकालेर त्यहीको शिक्षा,स्वास्थ्य,आर्युवेदका कर्मचारीलाई निमित्तको जिम्मेवारी दिन थालेपछि कतिपय स्थानीय तहमा लफडा निस्किएको छ ।
बिज्ञापन
यस्तै लफडा देखिएको छ,सप्तरीको राजविराज नगरपालिकाले । मन्त्रालयले केही दिन अगाडिमात्र उपसचिव तहका कर्मचारीलाई अन्यन्त्रै सरुवा गरेर सोही पालिकाका आठौं तहका कर्मचारीलाई निमित्तको जिम्मेवारी दिए पछि केही दिन देखि जारी आन्दोलन हातपात र तोडफोडको तहमा पुगेको छ । सप्तरीको राजविराज नगरपालिकामा निमित्त प्रमुख प्रशासकीय अधिकृत भोगेन्द्र यादवलाई पदभार ग्रहण गराउन खोज्दा झडप भएको छ ।
बिज्ञापन
त्यहाँ निमित्त प्रमुख प्रशासकीय अधिकृत भोगेन्द्र यादवलाई पदभार ग्रहण गराउन खोज्दा झडप भएको छ। त्यहाँ लेखा अधिकृत शत्रुधनलाल दास कार्यालय परिसरमै कुटिएका हुन्। यस्तै नगरपालिकाको कार्यालयमै कार्यवाहक मेयर इसरत परविन थुनिएकी हुन् ।
यहाँका मेयर भीमराज यादव स्थानीय राज रंगशाला स्तरन्नोतिको भ्रष्टाचार मुद्दामा निलम्बित छन् । यादवका समर्थकले परविनलाई कोठामा थुनेका छन् । उनीहरूले बाहिर प्रदर्शनसमेत गरिरहेका छन् । प्रदर्शनकारीले कार्यालय भवनको अधिकांश सिसा फुटाएका छन् । प्रदर्शनकारीले नगरपालिकाका लेखापाल शत्रुधनलाल दास, स्वास्थ्यकर्मी सन्तोष दासलाई कुटपिट गरेका छन् । घाइते शत्रुधनलाई उपचारका लागि गजेन्द्रनारायण सिंह अस्पताल लगिएको छ ।
बिज्ञापन
प्रमुख प्रशासकीय अधिकृत डा श्रवणकुमार साहको सरुवा गराएर आठौं तहका शिक्षा शाखामा कार्यरत कर्मचारी भोगेन्द्रप्रसाद यादवलाई निमित्त दिएपछि उनीहरुले आइतबारदेखि नगरपालिकामा तालाबन्दी गरी धर्ना बसिरहेका छन्।संघीय मामिला तथा सामान्य प्रशासन मन्त्रालयले प्रमुख प्रशासकिय अधिकृत डा साहलाई रौतहटको एक स्थानीय तहमा सरुवा गरेर उनको ठाँउमा नगरपालिकाका शिक्षा शाखा प्रमुख भोगेन्द्र यादवलाई निमित्त प्रमुख प्रशासकियको रुपमा काम गर्न जिम्मेवारी दिएसँगै त्यहाँ विवाद शुरु भएको बताइएको छ ।
